سمعت صوتك في المسا وزاد شوق حنيني
مــدري أقـولـك فـي المســــــــا قوه أو هاي
كنت ملهوف بتصالي وكني ناطرك من سنيني
لقيت مشغول تلفونك وآنا على عصابي ياي
ولما سمعتك ياحبيبي لقيت كل شي ذاب فيني
ياحبيبـي يانصيبي صرت في قلبــي وحشاي
والله انـي مـن زمـــان نـاوي فيــــك تـدفينـــي
شفـت هجـــرك شفـت بعـدك ولا لـك سواي
كنـت أخبـــي فـي قلبــــي حـب كــان يحتوينـي
كنت أحاول أدخـل قلبــك وتفهــم حبي ومعنـاي
أنا مشتـاق لك حبيـبي والحقيقـه ماتحـس فينـي
كنت أبيك أتكون يمي وتعتذر وماتكون أحداي
كنت تروح عنـي تهملنـي وتجـي بعدين تحاسبني
ومـدري أنـك تحبــي أومجــرد أحسـاسـك معـاي
فقـدت الأمـــل يمـــــــك وأنـا الي رايـدك تـرويني
سبتنـــي متـعطش ودايــخ أبحـث عنـك مثـل الماي
تعمـدت أكتـب غرامي لأجيس نبضك بشخص ثاني
وأختبـر حسـك تجـاهي وغيرتك وأدور في مسعاي
ماعـرفـت لـك أنـت واضـح وألا شـو منها تـذبحني
ورحـت العـب بعصـابـك وردت فعـلك تسود دنياي
أنـا مـن يومهـا ويومـك شفــتك تغـريني وتسكـرني
وشـوفـك أنـك تـرقمنـــي هــذا يـوم سعــدي ومناي
وريـدك أنـك تـوعـدنـي تـواصــل معـاي وماتهدني
وقعـت وغـرامـك يشــدني يــاحبــي ونسمـة هـواي
والله ودي مـاأفـارقـــــــــك وأنقطـــع بينـك وبينــي
والمكـــالمـه قصرت ودي أطـــول وماأقـولـك باي[center]